Viazi vyenye karanga

Chukua sufuria kubwa. Weka kwenye hilo sufuria viazi mviringo pamoja na maji, kisha chemsha kwenye jiko lenye moto wa wastani kwa muda wa dakika 20, au hadi utakapo ona vimeiva.

Epua na umwage maji yote yaliyomo kwenye sufuria na kubakiwa na viazi peke yake, kisha acha vipoe.

Menya maganda ya viazi hivyo, halafu vikate katika vipande vidogo vidogo, kisha viponde nusu ya viazi hivyo.

Chukua kikaango kikubwa chenye siagi pamoja na mafuta ya kupikia na ukiweke kwenye jiko lenye moto wa wastani, kisha acha siagi na mafuta vipate moto. Weka kwenye hicho kikaango, karanga pamoja na tangawizi, kisha kaanga huku ukikoroga mara kwa mara kwa muda wa dakika 1, au hadi utakapo ona vimebadilika rangi na kuwa na rangi ya kahawia.

Weka viazi mviringo pamoja na chumvi, kisha kaanga huku ukikoroga mara kwa mara kwa muda wa dakika 5, au hadi utakapo ona viazi vimebadilika rangi na kuwa na rangi ya kahawia.

Weka majani ya giligilani pamoja na limao, kisha koroga vizuri.

Punguza moto na uweke moto mdogo, kisha pika mchanganyiko huo bila kukoroga kwa muda wa dakika 10, au hadi utakapo ona upande wa chini umetengeneza ukoko wa rangi ya kahawia.

Geuza upande wa pili wa mchanganyiko huo, halafu pika na upande huo wa pili bila kukoroga kwa muda wa dakika 5, au hadi utakapo ona upande wa chini umetengeneza ukoko wa rangi ya kahawia, kisha epua na upakue kwenye chombo safi, tayari kwa kula.